စံပါယ်ပန်းအကြောင်းနှင့် စပါယ်ပန်းစိုက်ပျိုးနည်း

စံပါယ်ပန်းအကြောင်းနှင့် စပါယ်ပန်းစိုက်ပျိုးနည်း

******************************************
ပန်းတကာ့ပန်းရနံ့တွေထဲက အနံ့တကာအနံတွေထဲက ကျနော်အကြိုက်ဆုံးပန်း
စံပါယ်ပန်းနဲ့ သူ့ရဲ့ရနံ့ကြောင့်ဖြစ်ပါတယ်။ အများဆုံးသုံးတဲ့ရေမွှေးတွေမှာလည်း
စံပါယ်ရနံ့ကိုအများဆုံးသုံးဖြစ်ပါတယ်။ အနံ့ကြောင့် ပန်းကိုကြိုက်တာလည်း ဖြစ်
နိုင်ပါတယ်။ ဘယ်လောက်အထိကြိုက်သလဲဆိုရင် စပယ်လို့နာမည်ပေးထားတဲ့
မိန်းကလေးတွေတောင် ဘယ်လိုပါလိမ့်လို့တောင်စူးစမ်းချင်တတ်ပါတယ်။

ပန်းပင်တွေထဲမှာ စံပါယ်ပင်က စိုက်ရတာအလွယ်ဆုံးဖြစ်ပါတယ်။ ကိုင်းကူး ပင်ပွား
ကူး အင်မတန်လွယ်ပါတယ်။ အထူးသဖြင့်ပင်ပွားကူးတာများပါတယ်။
အိုးနဲ့ဖြစ်ဖြစ် လွတ်လပ်တဲ့နေရာမှာပဲဖြစ်ဖြစ် သူ့ကိုရေကိုသာပုံမှန်လောင်းပေး အစို
ဓာတ်နည်းနည်းလေးရှိပေးရုံနဲ့ အခြားပန်းလိုမျိုး ဂရိုစိုက်စရာမလိုလောက်အောင်ပစ်
ထားလို့ရပါတယ်။ ပွင့်ချိန်တန်ပွင့်ပေးပါတယ်။ အပွင့်များများလိုရင် အမြဲတမ်းပွင့်စေချင်
တယ်ဆိုရင်တော့ သူ့ကို မြေလေးမကြာခဏဆွပေးခြင်း နွားချေး မြေဆွေးမြေပုပ်များထည့်
ပေးခြင်းဖြင့် အပင်သန်လို့အပွင့်လည်းကြီး ဖူးငုံအပွင့်လည်းများများထွက်လာတတ်ပါ
တယ်။ မိမိတို့အိမ်ဘေးပတ်ပတ်လည်မှာ စံပါယ်ပင်တွေစိုက်ပေးခြင်းဖြင့် ပွင့်လာတဲ့အခါ
မနက်ခင်း ညနေခင်းလေပြေလေညင်းလေးနှင့်အတူ သူ့ရဲ့ရနံ့လေး ရောစပ်ပေးလိုက်
တဲ့အခါ ရှုရှိုက်ရတာ အင်မတန်မှ အရသာရှိလှပါတယ်။ စံပါယ်ရနံ့လေပြေ လေညင်းကို
တော့ လူတိုင်းရှုရှိုက်ချင်ကြမှာပါ။
ဒါက ကျနော်ရဲ့ ကိုယ်တွေ့သက်သက်စိုက်ပျိုးဖူးတာပါ။
နည်းစနစ်ကျကျနဲ့ စိုက်ပျိုးချင်တယ်ဆိုရင် အောက်ပါအတိုင်းစိုက်ပျိုးနည်းကို ဆရာမ
သက်သက်နွယ်က ပြောပြပေးထားပါတယ်..။

Common Name : Jasmine
Botanical Name: Jasminum arborescens
Family Name : Oleaceae

စံပါယ်ပန်းကို မိုးဦးကာလတွင် အပင် ပျိုးထောင် စိုက်ပျိုးကြသည်။ အပင် မစိုက်ခင်မြေဆွေး နွားချေးဆွေး များကို စိုက်မည့်နေရာတွင် ကျင်းထူး ပြီး ထည့်ပေးရမည်။ ( အချိုးနှုန်းကတော့ ၁ ကျင်းလျှင် ၅၀၀ မှ ၁၀၀၀ ဂရမ် နှုန်း) ပြီးလျှင် အပင် ကိုင်းတက် (Sucker) ဒါမှမဟုတ်ရင် အမြစ်ထွက်ပြီး ကိုင်းကူး/ ကိုင်ထိုးပင် ( layering/ cutting) အပင် တွေကို စိုက်လို့ရပါပြီ။ ၁ နှစ်သားဆိုရင် ပန်းစပွင့်တာပါဘဲ.. စိုက်တဲ့အချိန်မှာ 3 ပေ 5 ပေခြား ပြီးစိုက်ကြပါတယ်.. စံပါယ်ပန်း ဟာ မိုးဦးကျတွင် စတင်ပွင့်ကြပါသည်။ အချို့ဒေသတွင် စံပါယ်ပန်း စောစော ပွင့်စေရန် ဆောင်းအကုန် ဒီဇင်ဘာလ/ ဇန်နဝါရီလ လောက်မှာ အပင်ပြုပြင်ပေး ရပါတယ်။ ပြုပြင် နည်းတွေကတော့ အရွက်ချွေပေးတာ တို့၊ မြေသြဇာ (နှမ်းဖတ်ပုပ်ရည်) ထည့်ပေးတာ၊ ရေလောင်း ပေါင်းသင်ပေး တာ တို့ကို ကြိုလုပ်ရင် စောပန်းပွင့်လို့ ဈေးကောင်း ရနိုင်ပါတယ်။

 အရွက်ချွေတဲ့ အခါ အရွက်ရင့်တွေကို တစ်ရွက်ခြင်း ချွေပေးရပါတယ်။ အဲဒီလို မဟုတ်ဘဲ ဆွဲပြီး အကုန် ချွေပစ်ရင် အရွက် အရင်းက ထွက်လာမဲ့ အဖူးခိုင် အညွန့်လောင်း တွေကို ထိခိုက်မိပြီး အပွင့်ကန်း ကုန်တတ်ပါတယ်။ အရွက်ချွေတဲ့ အခါ အရွက်ထပ်ဖျား အညွန့်တွေကို မချွေရပါဘူး။ အရွက်ချွေခြင်း၊ ပေါင်းရှင်းခြင်း တွေ လုပ်ပြီးရင် ရေသွင်းခြင်း ရေလောင်းခြင်း လုပ်ပေးရပါတယ်။ အရွက်ချွေပြီး တစ် ပတ်ကြာ မှ မြေဆွေး နွားချေးဆွေး မြေသြဇာ (နှမ်းဖတ်ပုပ်ရည်) တွေ အပင်ခြေမှာ တည့်ပေး ရပါတယ် ရေကိုလဲ ကိုယ့်မြေ အခြေအနေ ကိုကြည့်ပြီး လောင်းရ ပါမယ်၊ အပင်က ရေဝပ်တဲ့ ဒါဏ်ကိုလဲ မခံနိုင်ပါဘူး။ ဖေဖော်ဝါရီ လကုန် မတ်လဆန်း လောက် ဆိုရင် ပန်းတွေပွင့် လာတာပါဘဲ။ ပန်းခူးရင်လဲ ခူးပြီး ပန်းအညှာတွေကို စိတ်ရှည် လက်ရှည် ချွေပေးရသေးတယ်။ ဒါမှ နောက်ပန်းတွေ လှိုင်လှိုင်ပွင့် လာမှာပါ။

 နွေရာသီ ဆိုမနက် တစ် ကြိမ် / ည တစ် ကြိမ် ရေလောင်းပေးရပါတယ်။ ပန်းပွင့်ချိန် ရေလောင်းဖို့လဲ မပြင်းပါနဲ့။ ပန်းပွင့်တွေ အထွက်နည်းလာပြီဆိုရင် ကွန်ပေါင်း ဓာတ်မြေသြဇာ ( NPK 10-52-17 ) အချိုး အတိုင်း အညွှန်းပါ အတိုင်း ဖြန်းပေးရပါတယ်။ ကဲ ဒီလောက်ဆိုရင် အဆင်ပြေမယ် ထင်ပါတယ်နှော်။ အပင်တွေ များမယ် ဆိုရင်တော့ အလှည့်ကျခူး လို့ရအောင် ပထမ အတန်းကို ဒီဇင်ဘာလ 25 ရက်မတိုင်ခင် အပြီး အရွက်ချွေခြင်း၊ 4/5 ရက်ခြားပြီး ဒီဇင်ဘာလ ကုန် မှာ ဒုတိယတန်း ကိုချွေခြင်း ဇန်နဝါရီလဆန်း မှာ တတိယတန်းကိုချွေခြင်း အလှည့်ကျ ဆောင်ရွက်ခြင်းဖြင့် ပန်းပွင့်ကိုအလှည့်ကျ ခူးလို့ရအောင် ဆောင်ရွက်နိုင်ပါတယ်။

Credit:sayamathethetnwe
ဗဟုသုတ​ေက်းရြာ